Tahlil: qaysi uchta raqamdan boshlash kerak

Hammasiga qarash — hech nimaga qaramaslik degani. Uchta raqamdan boshlang, qolganini ulardan biri qimirlaganda oching.

1. Muddati oʻtgan qarzdorlik. «Umuman qancha qarzdor» emas, bir oydan koʻp osilib turgani. Bu allaqachon ishlab topilgan va olinmagan pul.
2. Yalpi foyda. Tushum minus oʻqitishga ketgan bevosita xarajatlar, avvalo oʻqituvchilar maoshi. Markaz aynan oʻqitishdan pul topayotganini koʻrsatadi.
3. Oqim. Oyiga qancha oʻquvchi ketdi. Bitta ketgan bitta kelgandan qimmatroq turadi: jalb qilishga pul sarflaysiz, ushlab qolishga esa deyarli yoʻq.

Qayerda koʻrish mumkin

Tahlil → Sharh joriy holatni beradi, Oylik hisobot — oy yakunini bitta ekranda.

Oylarni solishtirish

Alohida ekran ikkita oyni yonma-yon koʻrsatadi. Bu mutlaq raqamlardan foydaliroq: «tushum 60 million» hech nimani anglatmaydi, «oʻquvchilar soni oʻsha boʻlgani holda tushum oʻtgan oydan 12% past» esa koʻp narsani anglatadi.